Abschiedsfest im Sunnebädli & Grill mit dr Familie


9 Täg bevor s los goht, fyyre mir no mit Fründinne und Fründe im Sunnebädli in Binnige. Ab de zwei am Nomitag isch bädelet, ping-pongt, gvolleyballt, grilliert, gässe, drunke und glacht worde. Es isch e super tolle Obe gsi und mir hends gnosse, so vieli vo unserne Fründe no z gseh! 
Mit dr Familie hend mir denn 2 Täg vorem Abflug no e gmüetliche Obe verbrocht! 
S Abschiedneh isch dr Nadja -im Gegesatz zum Björn- sehr schwer gfalle..  
S isch eifach sone unvorstellbari Vorstellig, e ganzes Johr weg z si - und vorallem nit recht z wüsse, was genau uns erwartet. Aber mir sind sehr gspannt und freue uns sehr! 


Copyright: ncR/bW