20. - 21. Januar // 4. - 6. Februar // 15. - 29. Februar 20I6
Highlights in Argentinie: Mit dr Carmen, dr Au-Pair-Kollegin vo dr Nadja, hend mr e super Zyt ka in
Buenos Aires. In Mendoza hämmer viel Why trunke, tolli Lüt kenne glernt und afo Tagesusflüg mache (dr Björn isch s erst Mol ufeme Ross ghoggt). In Patagonie simmer endli wieder zum Zeltle und
Wandere cho und hend die traumhafti Natur gnosse!
Rückblickend het alles klappt und mir lache über die viele Moment, wo mr fast verzwieflet sind, well mr
unterschiedlichi und falschi Infos kriegt hend (was täglich sicher 3 Mol dr Fall gsi isch). E paar Bispiel zum Mitlache:
* 1 Stund ufs Hostelzimmer gwartet, wells noni parat gsi isch & denn vo de Zimmergnosse erfahre,
dass es gar nit putzt worde isch
* E Busticket für d Hiifahrt zum Vukan Lanin kauft & denn uf Nochfrog erfahre, dass aber gar keini
Büs meh zrugg fahre werde, do d Saison verbi isch. An das hend sie aber weder im Infocenter, no bim Verkaufe vom Hiireisebillet dänkt.. (Lösung des Problems:
Autistopp)
* Bim Ticketschalter e Busticket nach Puerto Varas (Chile) welle kaufe, erfahre dass die Busgsellschaft
nume Puerto Montt (Chile) afahrt - online sind aber Tickets für Puerto Varas erhältlich..
E meeeeeeega ihdrücklichi Show - so öpis hämmer no nie gseh. E Mischig us abstrakter Kunst, elektronische Kläng und Wind, Wasser, Luft & Liecht. Me chas chum in Wort fasse!
Wie bereits im letzte Blogpost erwähnt, chunnt langsam s Heimweh uf & do drmit au immer meh s "Phänomen Heimatstolz".. Was das isch?*1
• Wenn d Linsertörtli d Nadja im Supermarkt zu Träne rühre (obwohl sie die nit mol bsunders mag, aber es erinneret eim halt an Deheim)
• Wenn me sich jedes Mol freut, e Schwiizer-Krüüz z gseh
• Wenn me voller Freud am Busbahnhof e paar Schwiizerdütschi Wörter usehört (sogar wenns Züridütsch isch), aber denn glich z fest "Bünzli" isch, zum d Lüt aspreche!
• Wenn me in Bariloche s Suisse Chalet entdeckt, mit allne Kantonswappe und s Härz höcher schloht!
*1: betrifft nur d Nadja