In Peru, in Peru in den Anden...


8. - 21. April 2ol6


Schwimmendi Insle // Isla Usos, Taquile & Amantani


E typischs peruanischs Gricht: Mail, Härdöpfel, frittierte Kääs, Tomate&Gurke.. Und das, wo e bitz überwindig brucht, zums Ässe, wells usseht, wie e speziells Körperteil vome Tier.. Das sind Härdöpfel! In Peru gits nämli um die 4'000 verschiedeni Sorte!
E typischs peruanischs Gricht: Mail, Härdöpfel, frittierte Kääs, Tomate&Gurke.. Und das, wo e bitz überwindig brucht, zums Ässe, wells usseht, wie e speziells Körperteil vome Tier.. Das sind Härdöpfel! In Peru gits nämli um die 4'000 verschiedeni Sorte!

Cusco // Chinchero // Urubamba // Moray // Pisac



Inka Jungle Trail // Machu Picchu



Arequipa



Cañón de Colca



Exkurs: Sicherheit in Südamerika


Nach dreiehalb Mönet goht unsers Südamerika-Kapitel scho fast z End & mir wend do kurz no s Thema Sicherheit aschniiede. Wo mir vor eme Johr z Basel im Tropeinstitut gsi sind und uns über die nötige Impfige informiert hend, het unsere Arzt uns au no vieli Tipps und Hiiwies zum Reise in Südamerika geh. Wo mr nach ere Stund und de erste Impfige use gloffe sind, händ mr uns gseit: "Mir überlebe die Reis glaub nit!" 
Wo mr uns vorbereitet hend, dr Lonley Planet-Reiseführer und Infos uf dr Sitte vom EDA gläse hend, sind die Befürchtige nur no gwachse. D Nadja het ind e erste Wuche in Brasilie richtig Angst ka und isch überzüügt gsi, innerhalb vo de negste Taag 1. Überfalle, usgraubt und entführt z werde, 2. An Malaria, Dengue oder Thyphus z erkranke und/oder 3. bime Auto-/Busunfall z sterbe.

Fakt isch, mir lebe no, sind gsund und hend no all unseri Wertsache. Wenn me dr Kopf chli bi dr Sach het bim Reise, chunnt me scho zimmli wiit. 
Fakt isch, dass mir in dere ganze Zyt nume 1 einzigi Person kenne glernt hend,  wo wirkli beraubt worde isch (die drfür denn grad zwei Mol - die weiss wenigstens scho, wie reagiere und was nochhär z tue isch). Öperem isch s Handy & s Tablet klaut worde, aber sie hets au unbeufsichtigt im Bus gloh. Und öperem isch d Kredikarte gskimmt worde (d Bank hets aber gmerkt und so isch nüt passiert). 
Und Fakt isch au, das wo uns bis jetzt abhande cho isch, hend mir ligge loh oder verlore & isch somit selbstverschuldet.

Uns isch bewusst, dass mir in Dritt-Weltländer reise: viel Armut und dodurch natürli au Kriminalität und Gwalt. Aber mit gwüsse Vorsichtsmassnahme cha me do sehr guet Reise:
Mir laufe nit grad mit dr 500 Franke tüüre Spiegelreflexkamera ume Hals und em Handy indr Hand durch d Strosse, sind noch em Ihdunkle eigentli nüm unterwägs und trage kei uffällige & tüüre Schmuck.