VANCOUVER ISLAND

Nanaimo

Campbell River

Anstatt 5 Dollar füre warmi Duschi uszgeh, gäbe mir 5.75 us und chönnne drfür im Hallebad Längene schwümme, uns im Jakuzzi wärme und warm dusche. JACKPOT!

Schlächt-Wätter-Programm: d Witterreis plane

On the Road

3ti Nacht in Folg ufeme Walmart Parkplatz (gratis isch immer no besser als zahle)

Tofino

Pacific Rim National Park

Dr Charlie het e neue Alasser brucht und lauft jetzt wieder super!

Ucluelet

Cowichan River

Mit super Noochbere: d Kate (Huula-Hup-Tänzerin) und dr Skye (Traumfänger-Macher) mit dr Magic!

Z'Morge, z'Mittag & z'Nacht // was mir so ässe

Mit zwei Herdplatte, einere Brotpfanne und drei Töpf löhnd sich durchus kulinarischi Köstlichkeite zaubere!

Zmorge: D Frücht miend wäg, sie dörfe nit mit ind USA

Brot-Pfanne-Brot mit Spiegelei und Öpfel

Hörnli-Salat mit Mais, Tomate, Gurke und Rande

Time to say goodbye to beautiful Canada

1o2 Täg in Kanada - e Fazit

Nach dreiehalb Mönet fallts uns doch schwer, uns vo Kanada z verabschiede.

Bsunders gfalle het uns:

👍🏻 die wunderschöne Gratis-Campingplätz und d Plätzli, wo mr bim Wild-Campe entdeckt hend

👍🏻Natürli au d Natur und alli Tier, wo mir gseh hend.

👍🏻 bis uf vereinzelti Rägetäg händ mir mega Glück ka mim Wetter!

👍🏻 s gmeinsame Reise im Campervan

👍🏻 die ganze mega fründliche Kanadier/inne

👍🏻 Highway isch nit schwyzer Autibahn: Dass plötzlich e roti Ample oder gar e Stoppschild chunnt, isch nit ussergwöhnlich. Ebeso wenig d Spaziergänger ufem Highway.

👍🏻 90% vo de Kanadier/inne hend e Campervan, Wohnmobil oder e Pickup mit Camperufsatz im Garte (die 10% wo keine im Garte hend, sind wahrschinli grad drmit unterwegs)

Nit so gfalle het uns:

👎🏻 dr Süde vo BC: landschaftlich zwar wunderschön, aber sehr viel Zivilisation, keini guete Ort zum Campe und s Regewetter het dr Rest drzue biitreit.

👎🏻 dr Gruch vo verwesendem Fisch (hauptsächlich Lachs) an de Flüss

Kanada in Zahle // Mir hend...

14 Wanderige gmacht (Luut Björn: "Spaziergäng")

4 mol im See gschwumme

8 Wasserfäll gseh

12 Ladige Wösch gmacht

25 mol tankt

3 Film im Kino gseh

7 mol e Hallenbad/Thermalbad bsuecht

32 mol im Restaurant gässe

7 Nordliechter bewunderet

- 12 Schwarzbäre und 13 Grizzlies

- Unzähligi Reh & Hirsche, Bisons, Karibous, Moose, Eichhörnli, Streifehörnli, Vögel, Haase,

- 3 Füchs

- 2 Robbe

- 2 Otter

- 1 Kojot

- 1 Stachelschwein gseh

Dr Björn het vieli Fisch gfange:

Lake Trout, Coastal Cutthroat Trout, Pike, Chinook Salmon, King Salmon, Arctic Greyling, Whitefish, Steelhead