Die letzte Wuche in Kanada hend mir im Süde vo British Columbia verbrocht. Vo Prince George hend mir e Abstächer nach Quesnel gmacht, wo mir bime Camper-Ehepäärli, dr Joann und em Ed, wo mir Afang
August kenne glernt ka hend, iglade gsi sind. S Wiederseh isch super gsi und dä Abstächer het sich definitiv glohnt!
Denn simmer witter nach Prince George und vo dört in Jasper National Park. Mir hend bi -15 Grad uf 2000 Meter üM näbeme riesige Gletscher übernachtet, mit Abstand unseri kältisti Nacht. Am Morge
früh hend mr -8 Grad in unserem Camper gmässe! Brr...
Mir sind witter Richtig Banff, denn aber dure Kootenay Nationalpark.
S Wätter isch super gsi und mir sind echt fasziniert vo dene schöne Pärk! Die 20 Dollar Ihtritt hend sich uf jede Fall glohnt.
Vo Dört sind mr witter ind Radium Hot Springs, nach Creston, denn zu de Ainsworth Hotsprings, nach Nelson, Osoyoos, Hope und schliesslich uf Vancouver Island.