Heading south

2000km in 10 Täg // Vo Whitehorse über Fort Nelson, Fort St. John bis Prince George


Nach 10 Täg "Ferie" im Südoste vo Kanada mit de Eltere vo de Nadja sind mr jetzt wieder deheim in unserem Charlie. Er het sini Ferie ufem Parkplatz vorem Flughafe verbrocht und het no tief und fest gschloofe, wo mir zrugg cho sind. Mir hend in Whitehorse no e Grossihkauf gmacht und welle dr Wassertank fülle. Das het sich jedoch als e unmöglichs Unterfange usegstellt. D "Portable Water Stations" sind nämli alli "closed for the season". Do s in de Nacht oft um die -5 Grad Celsius het, würde sie nämli zue gfriere. Bi de seltene Statione, wo no offe sind, isch s Wasser jedoch mit soooo viel Anti-Frostschutzmittel behandlet, dass me das Wasser denn au nüm ohni bedenke sött trinke. So hend mr uns no e paar Galone Wasser im Walmart gholt und werde die negste Wuche Wasser us de Flüss miesse abkoche - back to the roots.
So wird eim denn au wieder bewusst, was es für e Privileg isch, fliessends und vorallem suubers Wasser zur Verfügig z ha! 

Es verwunderet uns immer wieder, wie unterschiedlichi Arte vom Reise,  dass es git. Es wird uns denn jewiils bewusst, mit wie viel meh Luxus dass me chönnt reise (z.B eme umbaute Lastwage oder dene riese Luxus-Camping-Büs, wo s normale Auti no hinter sich her ziehnd) beziehigswiis dass es au no mit weniger möglich isch (ime normale VW Golf oder eme Toyota Van). 

Obwohl mir s tägliche Dusche, d Übernachtige in de tolle Hotels bzw. im Motel und s Uswärtsässe (kei Abwäsche - juhu!) sehr gnosse hend, hend mir uns wieder mega fest ufs Camping-Läbe mim Charlie gfreut. Bi dr Landig hets Freudetränli (Nadja) und Gänsehuut (Björn) geh. 

Heart Lake
Heart Lake
Konversation im Camper:

Björn: "Ich finds unglaublich, wie viel Zyt du am Natel verbringe chasch, ohni dass du Internet hesch!" 

Nadja: "Ich finds unglaublich, wie viel Zyt du mit Fische verbringsch, ohni dass du e Fisch fangsch. 

Björn: 0 // Nadja: 1
Unterwägs mit de Quads
Unterwägs mit de Quads
Heart Lake
Heart Lake
Chetwynd
Chetwynd
Beaver Lake
Beaver Lake
Teslin Lake
Teslin Lake
D See sind gfroore!
D See sind gfroore!
-1 Grad // guete Morge
-1 Grad // guete Morge