40 Stunde Alltag

Mir hend uns d GoPro gschnappt und versuecht, wärend 40 Stund alles festzhalte. So gsehnd ihr emol, wie zwei typischi Täg bi uns usgsehnd! Viel Spass!

7:30

D Sunne goht uf! Mir schlofe aber no tief und fest

8:20

Mir sind mittlerwiiele wach, zum Ufstoh isch es uns aber z kalt (Innetemperatur im Camper ca. 7 Grad)

9:30

Dr Maage knurrt. Mit e paar güebte Handgriff werde d Schloofsägg verstaut und s Doppelbett wird ine Sitzecke mit Tisch verwandlet.

9:40

Was füre wunderschöne Campingplatz!

10:00

Zmörgele: selber backts Broot mit Hüttechääs und Gurke. Drzue Kaffii!

11:00

Gerächti Arbeitsteilig: dr Maa fischt, d Frau wäscht ab.

11:20

Let's hit the Road // d Fahrt goht witter! Hüt fahre mr aber nume 60km und stüüre denn als ersts s Visitorcenter a: Internet! Jetzt werde Lebenszeiche ind Schwiiz gschickt, s Wätter wird checkt und die negste Täg werde plant, denn es söll in Jasper Nationalpark goh.

14:00

Was füre Päch: nach 6km ufere Waldstross, chömme mr nüm witter! Es isch zu steil und d Löcher indr Stross sind für unsere Charlie doch z gross. D Emotione choche hoch, denn dr Björn muess s Auti am steile Hang wende, ufere Stross, wo chum breiter isch, wie dass s Auti lang isch.

Schlussendli schaffe mirs, aber d Lust ufs Wandere isch uns beidne vergange.

15:00

Salat zum Zmittag

16:00

Früsch duscht! So Bilder hend scho fast selteheitswert. Das mol hämmer chönme inere Iiskunstlaufthalle dusche, für 1.40 kanadischi Dollar pro Person. E richtigs Schnäppli, denn normalerwiis zahle mr 5 Dollar pro Person! In Whitehorse händ mr uns damals us Prinzip gweigeret go z dusche, well mr 8 Dollar pro Person hätte sötte zahle.

Jetzt gohts witter, e Cola als Stärkig, dr Charlie kriegt Benzin und denn gohts ab ife begste Campingplatz.

17:00

Acho! Dr Björn mol wieder am fische. D Nadja bereitet scho mol s Znacht vor.

18:30

Lagerfeuerromantik!

19:30

S chlii gschnipplete Gmües muess nur no in Topf: hüt gits vegans Linse-Curry!

20:00

E Guete!

20:30

Rummicub! Mittlerwiile sind fast 130 Spiel gspielt und d Nadja het nume 2 mol meh gwunne. S bliebt au hüt obe e Kopf-an-Kopf-Renne

21:00

Tischlein deck dich! Nei, eher: Tischlein werde Bettlein!

21:30

Doku (hüt über d Berliner Muur), am 22:00 pfuuse mr denn scho!

8:20

Dr Wecker het scho paar mol glütte und langsam werde mr wach. Dr Björn will sis Glück bim fische versueche und d Nadja liest no e bitz im warme Bett

9:30

S Zmorge isch parat: hüt wieder mol ganz traditionell mit Haferflöggli, Honig und Banane (natürli nur füre Björn)

10:00

Kaffii & Rummicub

10:30

D Nadja gniesst d Sunnestrahle und e neus Buech, dr Björn fischt

11:30

Dr Björn het e Fisch gfange!

14:00

Zmittage ässe: Brot, Hüttechääs & Linse-Curry

14:30

Wasser hole für dr Abwasch, hüt isch dr Björn mol wieder dra!

17:00

Nachdem mir no chli spanisch glernt hend, isch dr Björn wieder dusse am fische und d Nadja macht e Brotteig, wo de Björn denn no muess nooche chnätte.